Äs isch muxmüsli still wordä. Villicht het mä sogar s`klaperä und s`zittärä vom Mausi köhrt.
"Ig chumä nümm usä" het dr Baker gschrouä. Dr Amadeus und dr Sturbeli-housi si zur Tür und hei versuecht mit gmeinsahmä kräft sä ufzrissä. Aber ni nimau äs Stück het sich bewegt.
s'Elfenherz het nur gmeint "Ig mueses gar ni versuechä" und het d Schultärä lo hangä.
"UNd was machä mir jetzt" hets s'Mausi gmeint. Dr Baker het nä aus verzöut zwüschä dr Tür vom Foto vo dr ähnlichkeit mit em Mausi und dass es u chaut isch bi ihm drinn u är usä wed.
"Villicht chani jo mis Gsicht wächslä, de köhri ni da hi und cha mini Tipps go abgäh chli hänkerli spilä und äs Aperol ha." u het verängstigt u hiuflos i d'Rundi gluegt.
"So jetzt aber, mir si immer no do und mir si starch und äs isch üsi Gschicht wo chömä mir do hi mir gäbä doch ni uf." het dr Amadeus gmeint und sini Häng a dä Hosä abpuzt.
Mittlerwilä isch dr Strubeli-Housi zu sirä Tür und het sä uf do."ig chasä uf d....."und i däm Momänt hets schwups gmacht ä knau hets gä und drinn ischer gsi.
"Wie mängisch mues is no sägä, nüd a längä!" het d bibi gmeint u d'Augä verdreit.
"s'cha jo nummä no besser cho" het dr Amadeus gmeint u dr Kopf gschüttlet. D'Miamor88 het nur lislig zu sich gseit " das het aber nüd mit Romantik zdie"
S'Elfenherz isch zuerä gangä und het sä i d'Armä gno u gmeint:" Mau ig dänkä scho, mir kennä eifach Gschicht noni drzue."
Si si aui vo Tür zu Tür doch keini isch offä gsi oder hets sich lo uf due. Die letschdi Tür, Tür vom Mausi die isch angers gsi. Ungerem Türgriff isch öppis ibaut ä Chloz midärä DReischibä und drzue no ä Hebuarm.
"Da isch ä rundi Ibuchtig u do näbädra ä Schlitz" het d bibi gmeint mit ihrem Spührsinn.
"Jo und jetzt?" hets s'Mausi gmeint u i drundi gluegt doch niemer het öppis gseit.
Ufsmau hei si Tür vo ungä köhrt uf und zue schletzä und schnäui schwäri Schrittä d'Stägä uf zcho. Äs het glaub niemermeh gschnufft u aui hei dr Gang endlang gluegt mit Gwunger u au chli Angst. Ä issigä Wind het sä troffä und da isch ufsmau
dr Pinoccio mit schwärä schwarzä Stifflä gstangä und het nur ganz trochä gmeint:" bruchet dir villicht das do?" und hets s"Schwärt ufäghaudä vo dä zumau bir Plattform.
"Puuuuu, erschreck üs doch s'nöchstmau no meh! und wie bisch du überhaupt jetzt au no do hi cho?" hets s'Mausi gseit. "Das isch ä angeri Gschicht." het er gmeint isch zur Mausis Tür gloffä hets Schwärt i beidi Häng gno und het voller Wucht iSchlitz gstossä. s'ganzä Huus het afo zittärä und mi het ix grusseligi chlönendi Stimmänä köhrt. Äs isch aunä Angst u Bang gsi. Und de, de hets knirrscht und ghäzt und am Baker und Strubeli-housi sini Türänä si uf gangä.
U jetzt Stilli numä Stilli bis "Mini Tür hät mä au chönnä versuechä cho ufzmachä" het dr Strubeli-housi gmeint und dr Amadeus a gluegt. Dr Amadeus hets s'Gsicht verzogä midä Schultärä zuckt und d'Häng id d'Hosäseck do.
"Momänt" het er denn gmeint, "das hani doch vorhär ni bi mir ka" und het die auti Römermünzä usem Hosäsack zogä.
Bibi isch zunimm hi het die Münzä packt isch zur Tür het d'Münzä i d'Rundig gleit und ohni Vorwahrnig am Hebu zogä.
Tür vom Mausi isch ufgsprungä und dinn im Zimmer ischs goldigä Härz schwebend ihr Mitti gsie. Äs het glüchtet u glänz aber äs hett paar Rissä dinn ka. Hinge dra isch d'Frau in wiss gstangä midem rotä Kleid ihr Hang.
Erstunt und paff si si dert gstangä. "Chumm innä" het si gmeint wie in trans ischs Mausi uf d'Tür zue gangä. Dr Amadeus het sä no am T-Shert chönnä packä aber isch mitgschleift wordä bis bi ihm dr Houzbodä het la gah und är sich grad knapp no am Rand het chönnä fest häbä(u jetzt hangisch aber würklich
). S'Mausi isch is Zimmer und au do het hinger ihrä Tür zue gschletzt.
Was isch da a minä Bei und was isch midem Mausi?" het dr Amadeus gmeint,abä gluegt u gmerkt die schwarzä Mannä si wider do und wei nä zu sich abäzieh. Dr
Pinoccio,Baker und Strubeli-housi si zunem hi und heinä gmeinsahm chönnä ufäzieh.
Vor verschlossänä Tür hei si nur ä Stimm köhrt wo gmeint het. "Jeder hat eine Geschichte, ig wächslä mis Gsicht vo eim zum anger. Du bisch jetzt bi mir, di Wäg isch zänd. Du bisch ihr Sicherheit, die schwarzä Mannä hei di ni becho somit bechunsch du das."
s'Mausi het ä Stabu auti Briefä becho. "Dinni Ur-Ur-Urgrossmuetter het die gschriebä, das isch dinni Gschicht." het die wissi Frau gmeint und het ufsmau ihres Gsicht verlohrä u het sich nadisna afo uflösä. Im ganzä Huus hets afo Donnerä und d'Stimm het gmeint "Wär isch dr nöchst"
Aber jetzt muesch halt dure miteme Aperol am Beschte 
